Кантоналниот суд во Сараево донел првостепена пресуда во случајот на смртта на малата Џена Гаџун, дете кое почина по компликации по рутинска операција во приватна здравствена установа во Сараево.
Според пресудата, тројца лекари се осудени за нивната улога во случајот, со вкупна затворска казна од 17 години и шест месеци. Еден од обвинетите добил 10 години затвор, вториот 4 години и шест месеци, а третиот 3 години затвор.
Судот утврдил дека во случајот имало сериозни пропусти во медицинското постапување. Еден од лекарите е осуден за тешко кривично дело против здравјето на луѓето и несовесно лекување, додека останатите две лица се прогласени за виновни за злоупотреба на службена положба или овластување.
Трагичниот настан се случил во ноември 2021 година, кога двегодишната Џена била однесена на операција која била оценета како рутинска интервенција. По операцијата дошло до компликации, по што детето починало, што предизвикало силен шок во јавноста и долготраен процес на барање одговорност.
Случајот со години ја потресува јавноста во Босна и Херцеговина, а родителите на девојчето организирале протести и постојано барале целосно расветлување на настанот и утврдување на одговорноста на сите инволвирани.
Тужителството тврди дека пропустите за време на интервенцијата во приватната клиника директно придонеле за смртта на детето.
По изрекувањето на пресудата, е потврдена можноста за жалба, што значи дека процесот сè уште не е целосно завршен.
Родителите на Џена, во своите претходни изјави, нагласиле дека ќе продолжат да се борат за вистината до крај, со цел да добијат одговори за тоа што точно се случило со нивната ќерка. Тие опишале и емотивни моменти од последните часови, кога им се чинело дека детето „изгледало како да спие“, без да знаат дека трагедијата веќе се случила.
