Во Вишото јавно обвинителство во Београд беше сослушан Божидар К. (25) поради сомнение дека на 17 март активирал и фрлил рачна бомба во еден угостителски објект во Земун. По сослушувањето, обвинителството предложи да му се определи притвор, поради опасност од бегство и можност да го повтори кривичното дело.
Според соопштението од обвинителството, осомничениот имал незаконски рачна бомба М75. Во ноќта на инцидентот, околу 3 часот наутро, тој дошол до прозорецот на кафулето, со раце го скршил стаклото и направил отвор, низ кој ја фрлил активираната бомба.
По експлозијата, осомничениот избегал од местото на настанот. На него му се става на товар недозволено производство, поседување, носење и трговија со оружје и експлозивни материјали, како и предизвикување општа опасност.
Вишиот суд во Београд ќе одлучи дали ќе му се одреди притвор, додека истрагата продолжува.
