Српски државјанин (42) е уапсен на граничниот премин Драченовац при обид да влезе во Црна Гора, откако за него била распишана меѓународна потерница од Интерпол Виена.
Според информациите од црногорската полиција, станува збор за лице со иницијали Т.Р., кое е барано од австриските власти поради сомневање дека е инволвирано во тешки кривични дела поврзани со трговија со дрога, односно шверц и продажба на кокаин.
Потерницата била издадена за да се обезбеди негово присуство во кривична постапка што се води пред Вишото државно обвинителство во Виена. Според австриското законодавство, за делото за кое е осомничен е предвидена казна затвор до 15 години.
Уапсениот е лишен од слобода од страна на службеници на граничната полиција, а понатамошната постапка ќе ја водат надлежните судски и обвинителски органи во координација со меѓународните институции.
