64-годишниот Михал Л. од Арадaц, сопственик на локална кафеана, признал дека го убил Иван Виоглавин (35) по жестока расправија и физичка пресметка која се случила во неговиот објект, пренесуваат медиумите.
Според неговото признание, конфликтот започнал откако останале сами во кафеаната по заминувањето на другите гости. Жртвата наводно го обвинила дека му земал пари и го навредувала, по што дошло до тепачка.
Осомничениот тврди дека бил нападнат прв, по што ситуацијата излегла од контрола и завршила со смрт на Иван Виоглавин.
По настанот, Михал Л. заедно со својот син, Михал Л. (38), се обиделе да го прикријат злосторството. Според неговото сведочење, телото било завиткано во ќебе, потоа однесено до реката Тиса и фрлено во водата, со обид да се уништат сите траги од настанот.
Истражните органи продолжуваат со утврдување на сите околности околу убиството и улогата на неговиот син во прикривањето на случајот, додека осомничениот детално ја изнел својата одбрана и го признал делото.
