Според најновите украински разузнавачки информации, Русија се подготвува за нови масовни напади врз украинска територија, истакна украинскиот претседател Володимир Зеленски во своето вечерно обраќање.
– Искрено соработуваме со нашите партнери околу набавката на ракети и системи за противвоздушна одбрана, кои ни се исклучително потребни. Снабдувањето сè уште не е доволно, но се трудиме да го забрзаме процесот. Многу се работи на ниво на Министерството за одбрана на Украина за да се обезбеди подобра заштита, рече Зеленски.
Тој ги повика украинските граѓани да бидат внимателни и строго да ги почитуваат предупредувањата за воздушни напади, нагласувајќи дека соработката и брзата реакција на населението се клучни за минимизирање на последиците од можните напади.
