„Сиел Дубаи Марина“, највисокиот хотел во светот, официјално беше отворен на 15 ноември и ги пречека своите први гости. Висок 377 метри и со 82 катови, хотелот е дизајниран од наградуваната архитектонска фирма „НОРР“.
Хотелот располага со 1.004 луксузни соби и апартмани, сите со стаклени прозорци кои нудат панорамски поглед на Палм Џумеира, Арапскиот Залив и целиот град. Цените на ноќевање започнуваат од 310 евра.
Во хотелот се наоѓаат осум ресторани, највисокиот инфинити базен на светот на 76. кат, на височина од 310 метри, како и највисокиот клуб на светот неколку спратови подолу. На 61. кат гостите можат да уживаат во спа-центар.
Отворањето на хотелот се случува во време кога Дубаи го шири својот туристички сектор; минатата година градот го посетиле 18,7 милиони странци.
