Петмина колеги, меѓу кои и 18-годишно момче, биле физички нападнати додека работеле во средно училиште во скопското село Сарај.
Нападот се случил синоќа околу 21:00 часот, а според пријавата во СВР Скопје, тројцата напаѓачи користеле остар предмет и солзавец за да се пресметаат со работниците.
Полицијата презема мерки за расчистување на случајот, во кој се инволвирани жители на Сарај како напаѓачи и жители на Скопје како жртви.
Според пријавата, на 29.11.2025 година во 21:00 часот Ф.Љ.(24) од Скопје пријавил дека тој и неговите колеги А.Н.(18), Н.Љ.(26), А.Д.(36) и Р.С.(24) биле нападнати од С.П.(41), Н.П.(47) и С.П.(37), сите од село Сарај, кои употребиле остар предмет и солзавец.
Случајот се истражува и полицијата работи на целосно документирање на настанот.
