Сценарио како од филм – ирански воени авиони биле буквално чекор до напад врз најголемата американска база на Блискиот Исток, но биле пресретнати и урнати во жестока воздушна пресметка.
Според информации објавени од CNN, два тактички бомбардера „Су-24“, испратени од Иранската револуционерна гарда, летале кон базата Al Udeid Air Base во Катар, каде се стационирани околу 10.000 американски војници. Втора потенцијална цел била гасниот комплекс во Рас Лафан – клучен столб на катарската економија.
Изворите тврдат дека леталата биле на само „две минути“ од целта. Катарските сили испратиле предупредување, но откако не добиле одговор, а авионите се спуштиле екстремно ниско за да избегнат радари, биле означени како закана.
Следувала историска реакција – катарски Ф-15 влегол во директна борба и ги соборил двата ирански бомбардера. Остатоците паднале во територијалните води на Катар, а во тек е потрага по екипажот.
Инцидентот доаѓа во момент на жестока ескалација, по серијата ирански напади со проектили и дронови кон државите од Заливот. Американскиот генерал Dan Caine го потврди случајот во Пентагон, нагласувајќи дека ова е првпат катарските воздухопловни сили да соборат ирански авиони во реална борба.
Регионот сега виси на конец – прашањето е дали ова беше спречена катастрофа или само вовед во уште поголема ескалација.
