Емануел Макрон најави дека Франција ќе обезбеди поддршка на либанската армија во време на зголемена тензија на Блискиот Исток. Поддршката вклучува оклопни транспортни возила, оперативна и логистичка помош, како и испорака на лекови и основна помош за цивилите раселени од јужниот дел на Либан.
Макрон повика на воздржаност, нагласувајќи дека Израел не треба да ја проширува војната во Либан. „Мора да се направи сè за да се спречи оваа земја, толку блиску до Франција, повторно да биде вовлечена во војна“, рече тој. Претседателот додаде дека Либанците, како и сите на Блискиот Исток, имаат право на мир и безбедност.
Оваа одлука следи по барањето на Жозеф Аун до Макрон да интервенира во тековната кампања за бомбардирање од страна на Израел, со цел да се намалат цивилните жртви и да се стабилизира ситуацијата.
