Местото на страшната железничка несреќа во Адамуз, Шпанија, каде вчера вечер се судрија два воза, утрово беше снимено од хеликоптер. Цивилната гарда продолжува темелно да го проверува подрачјето, користејќи сите расположиви ресурси, вклучително и воздушно набљудување.
Снимките објавени од службите за итни случаи покажуваат трагични последици – вагоните се преполовени, а уништувањето на возовите е очигледно дури и од висина. Овие фотографии и видеа ја илустрираат сериозноста на несреќата, која ја потресе целата земја.
Според компанијата што го поседува возот кој прв излета од шините, во него имало 294 патници. Поради сериозноста на настанот, премиерот на Шпанија, Педро Санчез, ја откажа планираната посета на Светскиот економски форум во Давос, Швајцарија, за да биде присутен и лично да добие информации од прва рака за ситуацијата.
Несреќата со двата брзи воза предизвика огромна мобилизација на спасувачките и безбедносните служби, а снимките од воздух ја откриваат драматичната состојба на местото каде што трагедијата се случи.
