Вистинска драма се одвивала во Laos, каде спасувачките тимови успеале живи да пронајдат пет лица кои цела недела биле заробени во поплавена пештера по силни дождови и одрони.
Според информациите од спасувачките служби од Laos и Thailand, уште две лица од групата и понатаму се водат како исчезнати, а потрагата продолжува во исклучително тешки услови.
Седумчлената група минатата среда влегла во пештера во провинцијата Ксајсомбун, каде барале злато и диви животни, но невремето предизвикало нагло покачување на водата и целосно го блокирало излезот.
Спасувачите опишуваат дека операцијата е една од најсложените во последниот период, бидејќи пештерскиот систем се протега длабоко под земја, а некои премини се широки едвај околу 50 сантиметри.
На снимките што ги објавија спасувачките екипи може да се видат нуркачи како минуваат низ тесни, калливи и речиси целосно поплавени тунели додека се обидуваат да стигнат до заробените лица.
Од организацијата Спасувачки волонтери за народот потврдија дека спасените лица биле пронајдени живи по неколкудневна неизвесност.
„Сè уште се тресам. Нашиот тим успеа“, изјавил Бункхам Луанглат од спасувачката организација по успешната акција.
Спасувачките тимови и понатаму остануваат на терен, а надежите се дека и останатите две исчезнати лица ќе бидат пронајдени живи.
