Украинските сили изведоа прецизна операција за уништување на два стратешки моста на руска територија, користејќи евтини дронови за детонирање на експлозивите кои претходно ги поставиле самите руски сили. Мостовите, лоцирани близу границата со Харковскиот регион, биле клучни за снабдување на руските трупи, а Русите ги минирале како превентивна мерка за случај на украински напад.
Уништувањето на сопствената инфраструктура за да се забави непријателот е класична воена тактика. Украина претходно ја применувала истата стратегија на почетокот на инвазијата во февруари 2022 година, кога ги уништи мостовите кон Киев за да го одбрани главниот град. Овој пат, украинските сили ја искористија руска претпазливост против самите нив.
Припадници на 58-та одвоена моторизирана пешадиска бригада, која ја спроведе операцијата, изјавија за Си-Ен-Ен дека забележале необична активност околу еден од мостовите. „Стана јасно дека нешто се случува таму. Не можевме да летаме со обичен извидувачки дрон под мостот бидејќи сигналот исчезнуваше, па користевме дрон со оптички влакна“, рекоа тие.
Снимките од дронот откриле противтенковски мини и друга муниција скриена под мостот, што резултирало со силна експлозија при детонацијата. Геолокацијата на снимката покажала дека акцијата се случила во регион Белгород, на југот на Русија, кој се граничи со Украина и е клучна точка за снабдување на руските трупи.
Украинците провериле и друг мост во близина, кој исто така бил миниран, па и него го уништиле. Претставникот на бригадата потврди дека беспилотните летала користени во операцијата чинеле помеѓу 600 и 725 долари, што ја прави акцијата многу ефективна и исплатлива.
Традиционално, уништување на мостови бара скапа наведувана муниција од ракетни лансери или авиони, но оваа операција покажува дека со модерни дронови може да се постигне голем ефект со минимални средства.
Видео:
