Фиренца се соочува со сериозни последици од масовниот туризам: повеќе од 10 милиони ноќевања годишно и растечки цени кои го оптоваруваат локалното население. Градските власти воведуваат нови ограничувања и правила за одржливост, со цел да го зачуваат шармот на градот под заштита на УНЕСКО.
Градот, со околу 350 илјади жители, се бори со туризмот што создава редици, толпи и сообраќаен хаос. Новите прописи донеле одредено олеснување, но проблемот останува сериозен.
Сообраќајни ограничувања и нови туристички правилаФиренца воведе Зона со ограничен сообраќај, каде не секој може да вози. Градот и регионот Тоскана се обидуваат да управуваат со туристичките текови, нудејќи алтернативни рути и помалку познати локалитети, со цел да се намали оптовареноста на централните делови на градот.
Цените растат за локалното населениеЛуција Монтуски, туристички водич, истакнува дека иако градот е гостопримлив, цените за локалците стануваат неподносливи. На пример, половина литар вода по цена од три евра е многу за локалниот жител. Иако животот во предградијата е поедноставен, таму нема театри, кина и музеи, што дополнително го отежнува секојдневното живеење.
Градот се обидува да го заштити и малото занаетчиско и културно наследство, кое е од клучно значење за уникатниот карактер на Фиренца.
