Претседателот на САД, Доналд Трамп, изјави дека постигнувањето решение за украинскиот конфликт е „многу блиску“, по неодамнешниот состанок со украинскиот претседател, Володимир Зеленски. Ова го пренел естонскиот претседател, Алар Карис, во изјава за ERR.
Карис открил дека за време на состанокот го прашал Трамп за напредокот во мировните преговори. „Ми рече дека сме прилично блиску до решение, бидејќи пред некое време се сретнал со Зеленски. Се разбира, не го испитував детално за резултатите од тој состанок“, изјавил Карис.
Трамп минатиот месец имал краток неформален разговор со Зеленски во базиликата Свети Петар во Ватикан, непосредно пред почетокот на церемонијата за погребот на папата Франциск.
Според украинските медиуми, вклучувајќи го и „RBC Украина“, втората закажана рунда преговори, на која Киев сериозно се надеваше, сепак не се одржала.
