Претседателот на САД, Доналд Трамп, денеска го изненади светот со изјава дека е „многу близу“ до постигнување договор за Русија и Украина. Без да открие конкретни детали за содржината на можниот договор, Трамп изјави дека верува дека решението за војната во Украина е на дофат.
„Мислам дека се приближуваме до договор“, рече Трамп пред новинарите, додавајќи дека дипломатските напори се во тек, но не сака да се издадат детали пред да се постигне финален резултат. Ова ја поттикна вниманието на светските медиуми и предизвика бројни шпекулации за тоа какви компромиси би можеле да бидат дел од потенцијалниот мировен договор.
Во исто време, американскиот претседател зборуваше и за Иран, потврдувајќи дека Техеран „сака да склучи зделка“, но со намера да се види како ќе се развиваат настаните. За да ја покаже сериозноста на позицијата на САД, Трамп откри дека голема американска флотила е упатена кон Иран, која ја опиша како „голема армада“, побројна од секоја претходна воена формација распоредена во регионот.
Аналитичарите оценија дека оваа изјава може да биде обид за зголемување на притисокот врз сите страни вклучени во преговорите, како и сигнал дека САД се подготвени да дејствуваат и во дипломатски и во воен план ако е потребно.
Трамп додаде дека работите се „многу интензивни“ и дека светот ќе види конкретни резултати наскоро. Со ваквата изјава, многумина ја препознаа како можен почеток на еден од најзначајните мировни процеси во последните години, што би можело да има големо влијание врз стабилноста во Европа и на Блискиот Исток.
