Светската здравствена организација (СЗО) соопшти дека 31 од 38 потврдени случаи на ебола во јужниот дел на Демократска Република Конго завршиле со смрт. Стапката на смртност е речиси двојно повисока во споредба со минатата недела, кога биле пријавени 16 починати. Досега се идентификувани над 900 контакти, а здравствените служби предупредуваат дека вирусот се шири брзо.
Вакцинацијата во засегнатиот регион започна неодамна, и повеќе од 500 здравствени работници и изложени лица веќе ја примиле вакцината. Сепак, процесот се одвива побавно од очекуваното поради тешкотии со транспортот и ограничен пристап до изолираните подрачја. Дополнителни дози се очекуваат во наредните денови.
Епидемијата е прогласена на 5 септември во локалитетот Булапе, во регионот Касај, и за само една недела се проширила на четири области. Недостигот од инфраструктура и логистичка поддршка претставува сериозен предизвик за навремено реагирање.
