Скандал на кралска вечера: Макрон ѝ фрлаше "очи" на принцезата Кејт пред очите на принцот Вилијам и целата елита! [ФОТО]

Францускиот претседател Емануел Макрон повторно се најде во центарот на вниманието, но овој пат не поради политика, туку поради своето контроверзно и несоодветно однесување за време на официјалната посета на Обединетото Кралство.

На свечената вечера во кралската палата во Виндзор, која требаше да биде дипломатски настан од највисок ранг, Макрон наводно бил под дејство на алкохол и покажал неочекувана фамилијарност кон принцезата од Велс, Кејт Мидлтон. Очевидци сведочат дека тој неколку пати ѝ наздравувал премногу ентузијастички, намигнувал со намера и создал непријатна атмосфера, додека принцот Вилијам, неговата сопруга Брижит Макрон и останатите членови на кралското семејство само набљудувале во тишина.

Фотографиите од инцидентот брзо се проширија низ социјалните мрежи, предизвикувајќи лавина коментари, шеги, но и критики за однесувањето на францускиот лидер. Овој настан доаѓа како нов удар врз имиџот на Макрон, кој и претходно се соочувал со слични незгодни моменти. Во еден таков, при слетување од авион, Брижит Макрон одбегна контакт со својот сопруг и се фати за оградата, сцена што, според очевидци, не им избега ниту на принцот Вилијам, ниту на принцезата Кејт.

На вечерта присуствуваа многу познати личности и членови на британското кралско семејство, каде што Кејт блескаше во елегантна црвена тоалета, украсена со кралски ордени и дијадемата на принцезата Дајана. Од друга страна, Брижит носеше кралско-сина тоалета со долг мантил, придонесувајќи за визуелната елеганција на вечерта.

Настанот кулминираше со послужување на редок коњак од 1948 година и вино од 1977 година, но наместо вниманието да биде насочено кон билатералните разговори и стратешките теми, целата атмосфера беше засенета од личното и неконтролирано однесување на Макрон, кое остави повеќе простор за озборувања отколку за дипломатија.