Мали количини радиоактивни супстанции се откриени во примероци од воздухот во Финска, но нема ризик за јавното здравје, соопшти денес националната Агенција за радијациона и нуклеарна безбедност.
„Концентрациите беа многу ниски и не претставуваа опасност за луѓето или за животната средина“, се наведува во соопштението што го пренесува Ројтерс.
Финската агенција за радијациона и нуклеарна безбедност соопшти дека откриените радиоактивни супстанции не потекнуваат од финските нуклеарни електрани.
„Во многу случаи, изворот на радиоактивните супстанции не може со сигурност да се идентификува“, се додава во соопштението.
Финска, Шведска, Русија и поширокиот регион располагаат со повеќе нуклеарни реактори во ова подрачје.
