НАТО распореди два германски авиони „Јурофајтер“ поради ненајавено приближување на руски извидувачки авион над Балтичкото Море, соопштија официјални лица.
Според ДПА, млазните авиони полетале од воениот аеродром Росток-Лаге со цел да го идентификуваат рускиот авион „Иљушин Ил-20М“, кој летал без сигнал и без претходно известување, останувајќи во меѓународниот воздушен простор.
Ова беше десеттото алармно полетување на НАТО авиони над Балтичкото Море оваа година, во време кога регионалната ситуација станува се позатегната поради неодамнешни шпионски инциденти и сомнителни акти на саботажа.
