Финските одбранбени сили набавиле стотици ометачи и детектори за дронови SkyWiper Omni Max од Литванија, изјави денес пуковникот Мано-Микаел Нокелајнен, инспектор за противвоздушна одбрана на Финска.
Овие ометачи создаваат заштитна купола која се протега на стотици метри и блокира контролните, видео и навигациските сигнали на дроновите. Тие ќе бидат распоредени околу критична инфраструктура, како што се воени бази, за да се заштитат трупите и стратегиските објекти.
„Ова е многу важно за заштита на нашите единици. Овозможува спречување дронови да летаат над трупите“, истакна Нокелајнен, земајќи предвид дека Финска се граничи со Русија и се приклучи на НАТО во 2023 година.
Покрај ометачите, финската армија набавила и рачни детектори за дронови Airfence од компанијата Sensofusion и дополнителни нишани за оружје Smash од израелската компанија Smartshooter, кои овозможуваат откривање и обарање на дронови.
Нокелајнен посочи дека новата опрема е наменета за сузбивање на мали извиѓачки дронови. Финската војска моментално располага со околу 1.000 FPV извиѓачки дронови, а следната година планира да набави дополнителни дронови различни големини и типови, како и дополнителна опрема за нивно неутрализирање.
