Во време кога геополитичките тензии растат, многумина се запрашуваат – каде би било најсигурно да се живее доколку дојде до глобален конфликт од непредвидливи размери? Безбедносните аналитичари идентификуваа неколку земји кои поради својот географски положај, стабилни институции и политика на неутралност би можеле да бидат најмалку изложени на директни закани.
На врвот на листата се: Исланд, Нов Зеланд, Швајцарија, Ирска, Австрија, Канада и Финска.
Исланд, со својата изолирана локација и ниска стапка на криминал, нуди природна заштита од глобални конфликти. Нов Зеланд е далеку од главните жаришта и поседува стабилен политички систем. Швајцарија и Австрија ја негуваат неутралноста со генерации, додека Ирска исто така избегнува воени алијанси. Канада се издвојува со огромна територија, природни ресурси и политичка стабилност, а Финска поседува силен одбранбен систем и развиена инфраструктура за кризни ситуации.
Иако ниедна земја не може да гарантира целосна безбедност во глобален конфликт, експертите нагласуваат дека овие држави имаат клучни фактори што значително ја намалуваат изложеноста – од политичка стабилност и ниска геостратешка ранливост, до добро организирани системи за заштита на населението.
Овој список станува водич за сите кои размислуваат како да се обезбедат во време на неизвесност.
