Авионот на Нетанјаху летал подолго за да избегне апсење: Од кои земји стравува Израел?

Државниот израелски авион „Винг оф Цион“ ја следел патеката која го продолжила патот од Будимпешта до Вашингтон за околу 400 километри, со цел да се избегне лет над земји кои би можеле да спроведат налог за апсење издаден од Меѓународниот кривичен суд (МКС) ако авионот мора да слета.

Како што верува Израел, Ирска, Исланд и Холандија би го спровеле налогот издаден за наводни воени злосторства во Газа, па затоа авион „Винг оф Цион“ летал над Хрватска, Италија и Франција, пренесе Тајмс оф Израел.

Ова не бил прв пат израелскиот премиер, Бенјамин Нетанјаху, да лета подолги рути за да го избегне ризикот од апсење.

Во февруари, кога Нетанјаху отпатувал за Вашингтон за средба со претседателот на САД, Доналд Трамп, неколку недели по операцијата, неговиот авион летал по подолга патека за да биде над американските воени бази во случај да мора да слета поради медицински причини.