Она од што сите стравуваа се остварува: Доналд Трамп е подготвен да го погази своето најголемо ветување дека нема да ги заглави САД во нови странски војни. Според шокантниот извештај на Ројтерс, Белата куќа веќе ги крои плановите за испраќање на илјадници американски војници директно во жариштето на конфликтот со Иран!
Плановите на Пентагон не запираат само на воздушни напади. Извори блиски до администрацијата откриваат дека се разгледува ризична операција за окупирање на островот Харг – виталниот орган на иранската економија од каде тече 90% од нивната нафта. Иако американските генерали предупредуваат дека островот е под постојан дожд од ирански ракети и дронови, Трамп останува во својот препознатлив стил. На прашањето за нападите врз оваа стратешка точка, тој ладнокрвно изјави: „Можеби ќе го погодиме уште неколку пати само за забава“.
Главниот приоритет на Вашингтон е контрола на Ормускиот теснец, светската „жила кукавица“ за нафта. Но, обезбедувањето на овој премин не може да се изведе само од небо – војската планира стационирање на копнени трупи на самиот ирански брег! Ова би значело директна инвазија и почеток на третата недела од војната која веќе се заканува да ја проголта целата глобална стабилност.
Додека Трамп си поигрува со реториката на „забава“, воените експерти се згрозени. Испраќањето на илјадници војници во Иран е потег кој може да ги закопа САД во децениски конфликт со несогледливи жртви. Дали ова е само блеф за притисок врз Техеран или светот токму сега сведочи на почетокот на најголемата копнена инвазија во овој век?
