Блискиот Исток е на работ на целосно уништување! Војната која започна на 28 февруари со брутални удари врз Иран, денес го означува својот 18-ти ден од ескалацијата, а билансот е застрашувачки. Израелските и американските сили не запираат, додека фронтот се шири како шумски пожар кон Либан и Ирак, заканувајќи се да ја повлече целата планета во амбис.
Техеран се тресе под налетот на израелските воздушни сили кои без милост ја пеплат државната и воената инфраструктура. Но, Иран не молчи – нападите со дронови врз американската амбасада во Багдад и балистичките ракети кои летаат кон Персискиот Залив се јасен сигнал дека ова е војна до истребување. Досега се потврдени над 1.300 загинати и 7.000 ранети, но црните бројки растат со секоја минута.
Ситуацијата станува критична со движењето на моќниот амфибиски брод „USS Tripoli“ кон регионот. Со илјадници маринци на готовс, САД се подготвуваат за следната фаза, додека Хезболах прогласи „егзистенцијална борба“. Дипломатијата е мртва – Иран ги одбива сите понуди за мир, а светот со страв гледа кон нафтените коридори кои можат да бидат пресечени секој миг.
Ова веќе не е локален судир. Ова е геополитички земјотрес кој ја загрозува светската енергетска стабилност. Додека шрапнели паѓаат врз цивили во Абу Даби, прашањето веќе не е кога ќе заврши војната, туку дали воопшто ќе остане нешто од Блискиот Исток по овој 18-дневен пекол.
