Најмалку четворица луѓе загинаа, а 14 други се ранети во масовно пукање што се случи на детска роденденска забава во Стоктон, Калифорнија. Инцидентот се случи во локален ресторан, а полицијата соопшти дека напаѓачот е во бегство.
„Веруваме дека пукањето било планирано, иако мотивот засега не е познат. Меѓу жртвите има и возрасни и деца“, соопшти полицијата, додавајќи дека состојбата на повредените се уште не е потврдена.
Канцеларијата на шерифот на округот Сан Хоакин истакна дека истрагата е во тек, а информации се ограничени. Заменик-градоначалникот на Стоктон, Џејсон Ли, потврди дека пукањето се случило на семеен собир по повод детски роденден, што ја шокираше локалната заедница.
