ЈП „Водовод и канализација“ – Скопје соопшти дека денеска поради два одделни зафати на водоводната мрежа, повеќе скопски улици и населби ќе останат без вода или ќе имаат намален притисок во снабдувањето.
Првиот дефект е на ул. Бутелска б.б, кај сервис „Топал“ (ф-400 мм), при што без вода ќе останат корисниците на улиците Хо Ши Мин, Марко Крале, Призренска, Петар Манџуков, Александар Бујнов, Краишка, Коле Канински, како и Бутелска – од крак 1 до крак 35 и од крак 2 до крак 14, на подрачјето на општина Бутел. Работите започнаа од 11:00 часот и ќе траат до отстранување на дефектот.
Вториот технички зафат е на бул. Александар Македонски б.б, при што без вода ќе останат корисниците на булеварот, улиците Палмиро Тољати и Маџари, жителите од населбата Методија Андонов – Ченто и село Сингелиќ, како и дел од корисниците на ул. 808 и бул. Киро Глигоров, на територија на општина Гази Баба. Работите започнаа од 05:00 часот и ќе траат до завршување на зафатот.
Намален притисок во водоснабдувањето ќе имаат и корисниците од населбата Автокоманда – ниска зона, како и од Триангла, Хиподром и ул. Перо Наков во близина на Кванташкиот пазар.
