Тајванските власти предупредуваат дека опасноста од напад е реална, додека Кина сè поотворено демонстрира воена моќ во близина на островот. Според заменик-министерот за надворешни работи, Кина е подготвена, а Тајван сам нема шанси да се одбрани без сојузници.
Воени вежби, тестирање на цивилна готовност, нови амфибиски технологии од Пекинг, засилени шпиунски активности и закани на секој фронт ја зголемуваат тензијата. Вашингтон, од друга страна, воведува царини кон Тајван, додека Трамп директно го обвинува за кражба на чип-технологија.
Островот се надева на економски сојузи и внатрешна мобилизација, но бројките и реалноста покажуваат – одбраната е далеку од подготвена. Сценариото од Украина е силна опомена за тоа што може да следи.
