Лидерот на Врховниот политички совет на јеменските Хути, Махди ал Машат, се закани дека Израел нема да остане неказнет за убиството на премиерот на хутистичката влада, Ахмед Галеб ал Рахави. „Се колнеме пред Алах, јеменскиот народ и семејствата на загинатите и ранетите дека ќе се одмаздиме и ќе го претвориме нашето страдање во победа. Нашите вооружени сили се во целосна борбена готовност“, рече Ал Машат.
Тој додаде дека одмаздата „нема да трае долго“ и дека мрачни денови ги очекуваат Израел поради атентатот. „Непријателскиот ентитет никогаш повеќе нема да се чувствува безбедно. Бог е со нас, а победата е наша без разлика колку време ќе трае. Цената на слободата е крв“, истакна лидерот на Хутите.
Хутите повикаа и на компании што работат во Израел да заминат пред да биде доцна, откако Израел изврши воздушни напади во Сана, погодувајќи воени објекти каде се наоѓале ал Рахави, министерот за одбрана и началникот на Генералштабот.
