Иран сигнализира подготвеност за крај на конфликтот со Израел и Соединетите Американски Држави, но со јасен услов – бара цврсти гаранции дека ваква ескалација нема повторно да се случи.
Претседателот Масуд Пезешкијан нагласи дека Техеран има „неопходна волја“ да стави крај на судирите, но само доколку се исполнат клучни безбедносни предуслови. Оваа порака ја испратил во разговор со Антонио Кошта, каде повторно го истакнал барањето за долгорочни гаранции.
Од друга страна, ситуацијата добива дополнителна тежина откако Пит Хегсет предупреди дека следните денови ќе бидат „одлучувачки“. Тој не ја исклучи ниту можноста за испраќање американски копнени сили, што дополнително ја зголемува неизвесноста.
По разговорот, Кошта оцени дека состојбата на Блискиот Исток е исклучително опасна и упати директен повик до Иран да ги намали тензиите. Тој инсистирал Техеран да ги прекине нападите во регионот и да се врати на дипломатскиот пат, особено преку соработка со Обединети нации.
Во фокусот останува и чувствителниот Хормутскиот Проток, каде слободата на пловидба е клучна за глобалната економија.
Светот сега внимателно следи – дали ова е вистинска шанса за мир или само затишје пред нова ескалација.
