Македонската тенисерка Лина Ѓорческа го заврши настапот на ИТФ фјучрсот Куршумлијска бања 75 откако денеска во мечот од второто коло загуби од Aна Сискова од Чешка со 2-0 во сетови (62 76(2) за 84 минути игра.
Противничката подобро го почна мечот и поведе со 3:0 во гемови и притоа направи брејк во вториот гем. И следниот брејк го направи тенисерката од Чешка која стигна до водство од 5:1, додека Ѓорческа успеа да напарви брејк во следниот гем на сервис на ривалката. Сепак во осмиот гем Сискова со уште еден брејк го потврди водството во првиот сет.
На стартот на вториот сет македонската тенисерка направи брејк за водство од 1:0, а потоа во петтиот гем стигна и до предност од 4:1.во гемови. Но, ривалката успеа да се врати и со два брејка стигна до 5:5, откако резултатот беше 6:6, се играше тај брејк. Во завршниот гем од сетот на поени, Сискова имаше три мини брејка за водство од 6:1 во поени што беше најава за победата.
Ѓорческа ја очекува уште еден турнир во Куршумлиска бања во следната недела.
