Фудбалскиот клуб Шкупи изрази голема тагa по трагичната загуба на својот играч, Андреј Лазаров, кој загина во страшниот пожар во Кочани.
Како што соопштуваат од клубот, фудбалерите се собрале на тренинг, но поради емоционалната болка и солзите, тие побарале да се одложи тренингот.
„Со голема празнина и бескрајна болка по загубата на Андреј Лазаров, денеска се обидовме да се вратиме во тренажниот процес. Сепак, денешниот тренинг беше откажан на барање на играчите! Тренинзите и остатокот од сезоната ќе ни бидат најтешките досега, но ќе играме за него, со него и во негова чест. Андреј секогаш ќе биде дел од нашето семејство!“, велат од ФК Шкупи.
