Во новото издание на емисијата на Пирс Морган, каде гостуваше Кристијано Роналдо, еден од најдобрите фудбалери во историјата, разговорот се прошири и на тема која ги заинтересира љубителите на спортот ширум светот — неговиот однос со Новак Ѓоковиќ.
Пирс, кој важи за близок пријател на Роналдо, му откри дека Ѓоковиќ неколку пати изјавил оти токму Кристијано му е инспирација и доказ дека може да се биде врвен спортист и по 40-тата година.
Роналдо со почит и благодарност одговори на овие зборови: „Ѓоковиќ е одличен пример. Добро е кога имаш луѓе од други спортови кои зборуваат убаво за тебе. Новак е одличен пример за величина во спортот. Мило ми е за неговите зборови.“
Двајцата спортски великани се сретнаа неодамна во Саудиска Арабија, каде Новак учествуваше на турнирот „Шесте крала“. При средбата, тие си разменија подароци и пријателски поразговараа, покажувајќи заемна почит и спортски дух.
Иако припаѓаат на различни спортови, Ѓоковиќ (38) и Роналдо (40) се симболи на упорност, дисциплина и мотивација, докажувајќи дека вистинската величина не познава граници на возраст или спорт.
