На денот кога Мициќ стана најплатен играч во историјата на Евролигата, новиот проект од Заливот испрати јасна порака: не дојдовме само да играме – дојдовме да доминираме.
Дубаи направи уште еден импресивен трансфер, ангажирајќи го Двајн Бејкон, еден од најексплозивните офанзивни играчи кои последните години настапувале во Европа. Со ова, тимот од Обединетите Арапски Емирати продолжува да ги реди засилувањата во пресрет на своето деби во Евролигата и втората сезона во АБА лигата.
👉 Бејкон, 29-годишно крило, се враќа на највисоко ниво по тригодишна пауза од Евролигата, каде последен пат настапуваше за Панатинаикос, а претходно играше и за Монако.
Последната сезона ја мина во Зенит Санкт Петербург, каде блесна во ВТБ лигата со импресивен учинок: 📊 17,6 поени, 3,9 скока и 2,2 асистенции во просек, што му ја донесе титулата најкорисен играч на сезоната (МВП).
Иако беше драфтуван од Њу Орлеанс Пеликанс во НБА, Бејкон никогаш не заигра за нив, но имаше солидна НБА кариера со три сезони во Шарлот Хорнетс и една во Орландо Меџик, пред да се пресели на европскиот паркет.
✅ Овој потпис е уште еден доказ за амбициите на Дубаи – тим кој не само што се засилува, туку јасно покажува дека сака да биде конкурентен од прва сезона во Евролигата, а истовремено и директен предизвикувач на Црвена Ѕвезда и Партизан во АБА лигата.
📌 Пред Бејкон, клубот веќе ги донесе:
- Џанан Муса
- Алекса Аврамовиќ
- Мекнали Рајт
- Кенан Камењаш
- Мам Џаитех
…а дополнително, ги задржа и сите клучни играчи од минатата сезона, што значи дека Дубаи веќе има сериозна јадро со елитен потенцијал.
