КМФ Кеги Моби Велес ја започна новата сезона во Првата македонска футсал лига со службена победа од 5:0 против екипата на КМФ Осогово, откако гостинскиот тим не допатува на натпреварот од првото коло.
Иако велешани посакуваа новата сезона да ја отворат со натпревар на теренот, трите бода остануваат на нивното конто, што претставува позитивен резултатски почеток на новата првенствена кампања.
По минатогодишната успешна сезона, во која КМФ Кеги Моби го освои високото второ место во Првата македонска футсал лига, клубот и годинава влегува во натпреварувањето со големи амбиции, мотивиран да го потврди својот квалитет и повторно да се бори за највисоките позиции на табелата.
Велешкиот состав во изминатата сезона покажа дека поседува квалитет, карактер и натпреварувачки дух, а очекувањата се и во новото првенство да продолжи со добри игри и резултати.
Пред Кеги Моби претстои долга и предизвикувачка сезона, во која секој натпревар ќе биде нова можност за докажување и остварување на поставените цели.
Со јасна визија, голема мотивација и желба за нови успеси, КМФ Кеги Моби продолжува да го претставува Велес во врвот на македонскиот футсал.
