На YouTube каналот на B13 Podcast се случи невиден скандал, откако најгледаното видео во живо со Ритко – епизода која постави рекорди на платформата – доби страјк од сопственикот на песната што во еден момент беше пуштена во емисијата. Иако истата песна постои на стотици видеа на YouTube, токму на видеото на Боки13 беше поднесен пријавата.
Според објавените снимки и видео-докази на YouTube каналот на Боки13, веднаш по страјкот се јавиле лица кои побарале 1000 евра за да го повлечат. По разговори, сумата наводно била „спогодена“ на 500 евра, но целиот обид за уцена останал документиран.
Боки13 ја објави целата комуникација и разговорите, тврдејќи дека јавноста мора да ја види вистината за тоа што се случува зад сцената кога некој ќе постави рекорд на платформата.
Овој случај отвори сериозни прашања за злоупотреба на YouTube системот, правото на автори и потенцијалните манипулации со пријави за авторски права.
