На 6 јуни во арената „Борис Трајковски“ се најавува концерт што ќе го одбележи музичкиот календар на 2026-та година во Македонија! Јован Јованов, Елвир Мекиќ и нивните пријатели ќе ги подигнат мемориите на сите генерации со незаборавни хитови.
На музичкиот времеплов ќе се слушнат најпознатите песни од Јован и Елвир – од „Итно ми требаш“ и „Некаде после 2“, до „Лоша девојка“, „Опасно“ и „Слаба точка“. Неизбежна ќе биде и „Адреналин“, хитот кој двајцата го промовираа кон крајот на 2025-та.
Овој концерт нема да има реприза – секој билет не е само влезница за шоу, туку и билет за враќање во минатото, за сеќавања на првите љубови, ноќните излегувања и забавите што траеја до зори.
