Иако многумина го користат за печење, готвење или мачкање на леб, малку кој размислува што всушност е маргарин и зошто е толку евтин.
Маргарин е индустриски емулгирана мешавина на билни масла и вода, додека путерот е природен млечен производ. Маслата во маргаринот најчесто потекнуваат од сончоглед, соја или репка и се обработуваат за да се добие потребната текстура. Порано се користела делумна хидрогенизација која создавала транс масти, но денес се применува интерестерфикација за безбедни и стабилни масни киселини.
Покрај мастите и водата, маргарин содржи емулгатори, ароми, бои и конзерванси, кои се мешаат под висок притисок и температура до хомогена смеса. Таа потоа се лади и пакува, создавајќи евтин, индустриски продукт со долг рок на траење.
Ниската цена на маргаринот се должи на евтините суровини, индустријализираниот процес и фактот дека не бара зреење или посебни услови за складирање. Овие карактеристики го прават маргаринот комерцијално исплатлив, но не секогаш најздрав избор.
Сè повеќе луѓе се одлучуваат за природни алтернативи – путер, кокосово масло или авокадо – поради вкусот, текстурата и здравствените придобивки.
