OpenAI објави дека ChatGPT сега може да се користи за пребарување без потреба од најавување. Оваа промена му овозможува на корисникот да добива одговори базирани на информации од веб, при што се прикажува листа на извори што се користени за формирање на одговорот.
Пребарувањето преку ChatGPT првично беше достапно само за платени претплатници од октомври минатата година, а подоцна стана достапно за сите во декември. Со укинувањето на барањето за најава, оваа функција директно ќе конкурира на пребарувачи како Google и Bing.
Слична услуга нуди и Perplexity – AI пребарувач што овозможува интернет-пребарување без сметка. Овој пребарувач неодамна воведе интеграција со TripAdvisor, преку која корисниците можат директно да добиваат информации за хотели и оценки.
Најновото ажурирање на пребарувањето во ChatGPT го прави слично на традиционалните пребарувачи, овозможувајќи приказ на мапи, слики од локални атракции и кратки описи за резултатите.
