Полицијата во Велес постапувала по пријава од 59-годишна жена, која навела дека добивала закани од 31-годишна велешанка, инаку поранешна вонбрачна партнерка на нејзиниот син.
Од Министерството за внатрешни работи информираат дека на 2 септември, во 15:30 часот, полициски службеници од СВР Велес извршиле службен разговор со Д.Р., по претходно поднесена пријава од 59-годишната жена.
Според пријавеното, Д.Р. наводно ѝ упатувала заканувачки пораки на жената преку телефон, но и преку апликација на социјална мрежа.
Случајот бил пријавен до надлежните институции, а за настанот бил известен и јавен обвинител.
Полицијата продолжува со проверките и собирањето на потребните информации со цел целосно да се утврдат околностите поврзани со пријавата.
Од МВР соопштуваат дека по целосното расчистување и документирање на случајот ќе следува соодветна пријава.
