Откако катастрофалните поплави и лавини ја разорија границата меѓу Непал и Тибет, следуваше ново застрашувачко предупредување. Масивно свлечиште создаде ново, исклучително опасно езеро кое незапирливо се полни и се заканува да ја пробие природната брана! Доколку се случи тоа, нов разорен бран вода и кал ќе рамни сè пред себе.
Драматичните настани започнаа кога се одвои леден масив, што, според податоците на Американскиот геолошки институт (USGS), предизвика земјотрес со јачина од 5,2 степени според Рихтеровата скала. Овој удар покрена незапамтени поплави кои, носејќи тони шут и отпад, протутњаа низ долините од двете страни на границата.
Билансот на оваа незапамтена трагедија е стравотен: загинаа најмалку 794 луѓе, а повеќе од 2.500 лица се водат како исчезнати, соопштија локалните власти.
Темпирана бомба: Езерото расте од час во час и достигнува застрашувачки димензии
Како што пренесува „CNN“, поради непрестајните одрони создадено е ново, смртоносно езеро, со што ризикот од нов катаклизмичен сценарио се искачи на максимум. На најновите снимки од дрон, кои ги емитуваше кинеската државна телевизија CCTV, јасно се гледа како ова езеро се формира точно на местото каде што се урна свлечиштето. Акумулацијата на вода се наоѓа во близина на пристаништето Ѓиронг на непалската страна од границата и опасно се шири.
Бројките ја замрзнуваат крвта во жилите – стручњаците проценуваат дека во новонастанатото езеро веќе се наоѓаат околу 2 милиони кубниметри вода. За работата да биде полоша, нивото на езерото немилосрдно расте од час во час.
Експертите злокобно предвидуваат дека во следните три дена во езерото ќе пристигнат уште 3 милиони кубниметри вода, а причина за тоа се обилните дождови кои дури се очекуваат во ова подрачје. Поради олкавиот притисок, постои исклучително висок ризик од пукање на природно формираната брана, што би предизвикало незапамтено прелевање на водата и нова катастрофа.
Кинеската армија во приправност: „Планината може да се урне во секој момент!“
Најкритична е ситуацијата во тешко погодениот кинески округ Ѓиронг, каде што населението се бори со константен ризик од калци и нови поплави.
Локалните власти и воените сили се наоѓаат во состојба на максимална приправност. Чен Кси, од локалната команда на кинеската армија, во средата вечерта издаде драматично предупредување, нагласувајќи дека одредени воени единици се во целосна борбена подготвеност поради непрекинатиот ризик од нови одрони на земја.
– Планинските падини околу нас можат да се урнат во секој момент, бидејќи патиштата се наоѓаат непосредно покрај стрмни карпи. Ризикот од ново разрно свлечиште и кал е огромен – предупреди Кси, опишувајќи ги језивите услови со кои се соочуваат спасувачите на терен.
Додека САД веќе најавија итна помош за настраданите во Непал, очите на целиот свет се вперени во оваа нестабилна хималајска брана. Населението во паника гледа кон небото, молејќи се дождот да престане пред природата уште еднаш, кобно, да се сруши врз нив.
