Она што требаше да биде мирен, петдневен одмор и бегство од секојдневниот стрес, се претвори во незамислива трагедија. Камерон Волас (33) од Велика Британија ненадејно почина за време на летувањето на грчкиот остров Закинтос, оставајќи ја својата свршеница и семејството во целосен шок и неверување.
Ноговата свршеница Силвана Бернардес (34) го опиша моментот кога дознала за смртта на својот партнер, истакнувајќи дека тоа утро имала језив предчувство дека се случило нешто страшно.
Мрачно чувство од чиста мира: "Само почнав да врискам"
Камерон отпатувал на Закинтос на 17 август со пријател за да ги тргне мислите од тешкиот период низ кој поминувал. Меѓутоа, само ден подоцна, следел телефонски повик од пеколот.
- Се разбудив и од некоја причина имав силно чувство дека нешто не е во ред. Набрзо ме повика неговиот пријател и рече: "Не знам како ова да ти го кажам, се случи нешто многу лошо". Само почнав да врискам и да повторувам "не", а тој изговори: "Камерон почина". Ја спуштив слушалката и само јецав - се присетува неутешната Силвана.
Мртов во вода за само неколку секунди
Трагедијата се одиграла за време на излет со брод на кој туристите набљудувале морски желки. Според зборовите на свршеницата, Камерон и неговиот пријател ручале и испиле по некој пијалак, но ништо прекумерно.
Кога Камерон скокнал во морето, одеднаш престанал да реагира.
- По само неколку секунди во водата, неговиот пријател забележал дека Камерон не го движи телото и дека беживотно плута покрај него. Веднаш го извлекол и почнал да му дава реанимација (CPR) на бродот. Кога стигнале до брегот, спасувачите ја презеле борбата за неговиот живот, но кога бил донесен во болница, лекарите можеле само да констатираат смрт - раскажа очајната девојка.
Мистеријата на причините за смртта: Здравствени проблеми пред патот
Причината за ненадејната смрт на Камерон и понатаму е обвиена со вел од мистерија, поради што семејството нестрпливо ги чека официјалните резултати од обдукцијата.
Намено, кај младиот човек пред неколку месеци се појавиле ненадејни здравствени проблеми. Само два дена откако во мај почнал да работи на ново работно место, доживеал напад сличен на епилептичен. Лекарите во прв момент сметале дека станува збор за последица од стрес, но подоцна му биле препишани лекови поради напади на паника и несоница. Само неколку дена пред патот за Закинтос го посетувал и неврологот.
- Се прашуваме дали смртта е поврзана со тој напад. Дали едноставно му застана срцето, дали добил напад на паника или мозочен удар? Што и да утврдат, ќе прифатиме, само да дојдеме до одговори и да најдеме каков-таков мир - наведува Силвана.
Сонови за венчавката срушени во секунда
Камерон и Силвана беа заедно повеќе од 10 години, а се запознаа преку интернет во 2016 година. Се свршија во Колумбија кон крајот на минатата година и веќе наголемо ја планираа големата венчавка во Виетнам, закажана за мај 2028 година.
- Загубата на Камерон ни ги скрши срцата. Беше човек со златно срце, полн со добрина, секогаш насмеан и подготвен да им помогне на сите. Имавме толку заеднички планови... - низ солзи порачува Бернардес.
Пријателите и семејството моментално собираат парични средства за да го репатрираат телото на Камерон назад во Велика Британија и да организираат достоинствено последно испраќање.
