Општина Кавадарци продолжува со активностите за уредување на јавните површини и подигнување на еколошката свест. Деновиве, на повеќе клучни локации низ градот и општината, интензивно се поставуваат нови корпи за отпадоци, како дел од поширокиот проект за набавка и поставување на нова модерна урбана опрема.
Целта на овој проект е да се овозможат подобри услови за одржување на чистoтата, но и да се придонесе кон естетското разубавување на катчињата каде што граѓаните секојдневно се движат и рекреираат.
Квалитетна изведба за поубав лик на градот
За реализацијата и квалитетот на новите елементи на јавните површини се грижи домашна компанија. Изведувач на градежните и монтажните работи на терен е добро познатата фирма „Метал Апостолов“, која гарантира за долготрајноста и функционалноста на новопоставената опрема.
Од локалната самоуправа упатуваат апел до сите граѓани совесно да ја користат новата опрема, да го одлагаат отпадот на означените места и заеднички да придонесат во зачувувањето на новите инвестиции.
„Секој од нас има одговорност кон средината во која живее. Со чување на урбаната опрема, директно покажуваме како се сака својот град. За убаво Кавадарци!“ – порачуваат од општината.
