Утре не очекува претежно сончево време со мала до умерена облачност. Ќе дува слаб до умерен ветер од западен и северозападен правец. Кон крајот на денот облачноста ќе се зголеми. Утринските температури ќе се движат од 4 до 12 степени, додека дневните ќе достигнат од 20 до 28 степени.
Во Скопје, времето ќе биде сончево со мала до умерена облачност, а кон вечерните часови се очекува зголемување на облачноста. Ќе дува слаб до умерен северозападен ветер. Минималната температура ќе се спушти до 8 степени, а максималната ќе достигне до 28 степени.
Од среда следува период на променливо облачно и топло време со сончеви интервали. Во попладневните часови ќе има зголемена нестабилност, со локални поројни дождови и грмежи. На одредени места се можни и краткотрајни невремиња, проследени со засилен ветер и изолирана појава на град.
До петок температурите ќе бидат во постепен пораст, но за време на викендот се очекува благ пад на дневните температури.
