Таткото на убиената Вања денеска ќе сведочи пред судот

Александар Ѓорчески, обвинет за помагање на групата која ја грабна неговата ќерка, ќе сведочи на денешното рочиште.

Таткото на убиената Вања Ѓорчевска (14) тврди дека е невин за грабнувањето на неговата ќерка, која беше брутално убиена на 27 ноември 2023 година.

Тој ќе даде своја одбрана, а ќе биде испрашуван од неговиот адвокат Владимир Туфегџиќ, обвинителките и судот.

Очекува се одговори на прашањата што правел во критичните денови кога неговата ќерка била исчезната, како и да ја побие теоријата на Обвинителството според која дал информации кога девојчето ќе излезе од дома за да може да биде киднапирано.

Обвинението за него, дојде и по тврдење на еден инспектор кој бил вклучен во потрагата, дека Ѓорчевски се однесувал „чудно“ и дека постојано велел дека неговата ќерка е киднапирана.

Откако беа пронајдени телата на Вања Ѓорчевска и на Панче Жежовски, тогашниот министер за внатрешни работи Оливер Спасовски и обвинителот Гаврил Бубевски на конференција за медиумите директно го обвините Александар Ѓорчевски дека помагал во организацијата на грабнувањето на сопствената ќерка.

Спасовски и Бубевски тогаш изјавија дека „мотивот е користољубие, при што едно од лицата во договор и со знаење, според првичните сознанија, на член на семејството, го организира и извршува и кривичното дело, со цел да се изнудат пари од мајката на детето, од што сите осомничени би имале материјална корист“.