Вчера околу 12:20 часот избувнал пожар во оџак во станбена зграда на улицата „Кланица“ во Битола, при што биле оштетени неколку станови.
За среќа, во пожарот нема повредени лица. Благодарение на брзата интервенција на екипите од Територијалната противпожарна единица Битола, огнот бил ставен под контрола и целосно изгаснат, со што е спречено негово проширување во зградата.
На местото на настанот излегла и увидна екипа од СВР Битола, која извршила увид за да се утврдат причините за избувнувањето на пожарот.
