Во драматична акција во Битола, осомничено лице отворило оган кон полицајци, по што полицијата возвратила со истрел, при што напаѓачот бил повреден и приведен, информира Основното јавно обвинителство.
Инцидентот се случил додека полицијата трагала по осомничениот, кој пукал кон службените лица со огнено оружје. Според првичните информации, еден од полицајците соодветно реагирал и испукал истрел, со што го неутрализирал напаѓачот, кој бил задржан на лекување под полициски надзор.
Јавниот обвинител веќе е на терен, издавајќи наредби за целосно расчистување на случајот, додека се работи на утврдување на мотивите и сите околности поврзани со настанот.
