Граѓаните во земјава ги очекува нов продолжен викенд, бидејќи до крајот на годината следува уште еден неработен ден за сите. Празникот „Св. Климент Охридски“, кој оваа година паѓа во понеделник – 8 декември, ќе им овозможи на работниците три последователни слободни дена.
Неработни денови има и за одредени заедници во државата. За граѓаните од католичка вероисповед неработен ден е 25 декември, четврток, кога се слави првиот ден на Божиќ.
Исто така, за припадниците на турската заедница 21 декември – недела, е прогласен за неработен по повод Денот на наставата на турски јазик, кој традиционално се одбележува секоја година.
