Премиерот Христијан Мицкоски јасно стави крај на дилемите околу евентуални предвремени парламентарни избори, потенцирајќи дека во текот на оваа година тие сигурно нема да се одржат.
По претходните нејаснотии во јавноста, Мицкоски истакна дека приоритет на Владата во 2026 ќе бидат реформите и економскиот развој, наместо изборни процеси. Според него, најсоодветен термин за избори се редовните парламентарни избори во 2028 година.
Сепак, тој не ја исклучи целосно можноста за предвремени избори во 2027 година, нагласувајќи дека неговата партија е „секогаш подготвена да излезе на избори и да победи“.
Со оваа изјава, политичката сцена засега добива појасна насока – стабилност во краток рок, но со потенцијална неизвесност веќе од следната година.
