Во Гевгелија е спречена вистинска трагедија откако полицијата навреме реагирала на дојава за вооружен напад. Двајца мажи, меѓу кои и поранешниот партнер на 25-годишната М.П., дошле пред нејзиниот дом и тропале на вратата, при што жената слушнала јасно „репетирање“ на пиштол.
Исплашената жена веднаш повикала полиција, а патролата која пристигнала на местото пронашла оружје скриено во ормар за чевли – пиштол без рамка. Алкотестирањето покажало неверојатни 3,3 промили алкохол кај Л.Г., кој бил во друштво на поранешниот партнер Ј.Г.
И двајцата веднаш биле уапсени, а против нив ќе биде поднесена кривична пријава. Според информациите, Ј.Г. се наоѓал на викенд-отсуство од казнено-поправна установа, што ја прави ситуацијата уште поопасна.
Брзата реакција на полицијата спречила можно убиство, а жителите на Гевгелија се во шок од немилиот настан што се случил во неделата околу 14:40 часот.
