Во тетовско се случил сериозен инцидент кој започнал со недоразбирање преку социјални мрежи, а завршил со физички напад и пукање од огнено оружје.
Според полицијата, 31-годишен маж од село Стримница пријавил дека бил нападнат од повеќе лица на регионалниот пат Тетово–Јажинце и се здобил со повреди. Подоцна истиот ден, маскирани лица со мотор пукале во дворот на неговата куќа и побегнале.
Еден од осомничените е лишен од слобода, а друг, заедно со малолетник, по разговор со полицијата бил пуштен на слобода. Истрагата за случајот продолжува.
